الجراد كلمات الشاعر / رضا ابو الغيط ***********************
الجراد
كلمات الشاعر / رضا ابو الغيط
***********************
بين حدود المستحيل
تاه من الصبرالدليل
كل شيئ ف الكون بحاله
صابه م الدنيا العويل
لما حالها صابها عيالها
بسهم غدر ليل طويل
وانفتح للأرض جوفها
رغم خوفها
م اللى راح ينحط فيها
م اللى منها واللى زانها
ومن كسوفها
م اللى شافها
دارت الدمعه ف عينيها
غصب عنها
والرياح قاعده بتعوى
فوق كتاف كل الضحايا
والنيران لسه بتشوى
اللى فاضل م الرحايا
والقضايا والزويا والنوايا
كله مستنى النهايه
كله مستنى يشوف
تعمل ايه الشمس
لو صابها الكسوف
يعمل ايه ليلنا الحزين
المستكين
لو قمرنا عانا مره م الخسوف
لو شكينا او بكينا م الظروف
لو ف يوم م الهموم
تاهت من الصفحه الحروف
لو ف يوم م الهموم
قلمى اللى دايس ع العناكب
صابه خوف
آه يا تمثال الميدان
يا اللى واقف ف انكسار
لما زاد سرب الجراد فوق الخَضار
آه يا تمثالى المهان
م اللى باع واللى خان
م الدمار ..والجدار.. والحصار
********************
