(يموتوا الناس في الاشاعات) بقلم/حسناءحسن

(يموتوا الناس في الاشاعات)

ادي حروفي وادي الكلمات
وادي ثواني وادي ساعات
وادي الاحساس دخل متاهات

يموتوا الناس في الاشاعات
وادي هناك صبيان وبنات
ناس عاقلين وناس بحالات
ناس تتحب .... وناس بتحب
وناس في الحزن دايبه اهات
وناس دايبه من الحكايات
وادي الدنيا فيها ساعات
ملخصها اكيد.. كلمات
وانا الراوي وانا الحاكي
وانا الضاحك وانا الباكي
انا الراضي وانا الشاكي
وادي الدنيا على دا الحال
يوم تديك ويوم ترميك
ويوم تفرح ويوم تجرح
ويوم تلقى حبيب حواليك
تبقى الدنيا براح في عنيك
ويوم تبقى خلاص وحدك
ورحب الكون ضاق حواليك
فلازم وقتها تعرف إن الدنيا
ساعه معاك وساعه عليك
بقلم/حسناءحسن