(( يا شمس )) للشاعر ~~~~~ حسن توفيق

......... يــا شـمـس ..........

================

ياشمس الشتا ..

حرارتك مفقودة

النبض ضعيف .. 

والضوء كفيف

مش لطيف

لا جانا منك سلام .. 

ولا كلام

دمك بيغلى لكن ف البرودة

تطلعى سلالم تنزلى أنفاق

حالتك محتاجة ورقة ومرايا

خليكى بين الأطلال ..

خدى صورة

خليتى حال الشجر كده حالك

الحجر نِشف ..والجليد أساسك

النهار ملفوف بميت بطانية

ده محتاج مليون بطارية

تلف الساقية كده على الفاضى

تصرخ تروس الوجع من قلبها

أصل المشوار محتاج له منبهات

عاش الجدع فى الضل ..

يصاحب الملل

ياشمس 

خليكى صاحية ونعسانة

--------------------------------

حسن توفيق

2015/11/20