الحب مااات جوانا بقلم / محمد الراوي
الحب مااات جوانا
وبندور عليه
زى واحد من توهته بيدور
على حاجه وهى ف إيديه
كتير منا بيحب يتحبوا
وما يحبوش
وكتير منا بيحبوا ياخدوا
وما يدوش
وكتير منا بيقابلوا حب صادق
وما يهموش
وكتير منا هوايته انه
يجمع فى حصالته كل الوشوش
وكتير ما بيسبش أثر فى الحب
غير حبة رتوش
والحب عنده حاجه سهله
زى حلق حوش
وكتير حبوا ناس
ولكن ما يستاهلوش
وانجرحت قلوبهم
وبجرحهم عايشين ما نسيوش
وكتير منا ممكن يبيعوا الحب
عشان حبة قروش
وكتير مشيوا ف طريق واحد
وف اخره ما اتقابلوش
عشان ناس رفضت لقاهم
وعن حبهم كانو عميان ما شافوش
حكايات ف الحب
بتنكتب بدرى نهايتها
ومعانى حلوه ضاعت
من بعد ما حسيتها
ودنيا عايشين فيها
ووخدانا ف خطوتها
والحب مااات جوانا
وبندور عليه
زى واحد من توهته
بيدور على حاجه
وهى ف إيديه
الراااوي
