بقلم /أمل جابر **** القلب منك اتوجع ****

بقلم /أمل جابر

**** القلب منك اتوجع ****

شيلاك يا حزن فى ملامحى
ساكن عيونى ..مرسوم على وشى
وآلف كلمه آآآه جوه القلب وبدارى
وألبس قناع الفرح ...
لجل أهرب من سؤالهم
وضحكه تجلجل .. صوت من غير روح
الكل فاكر عايشه من غير قلب
ومش شايله للدنيا هم ..
ولا داست عليه ..وهرست
وسابت وراها حزن ....
ده كل وش بيضحك
وراه وش ساكن فى الملامح حزن
وفى كل طريق فيك يا دنيا مشيت
شايله الهموم على كتفى ...
لحد ما اتحنيت ...
الشعر شاب فى الصغر.....
من كتر ما شاف
والقلب من كتر الآآآآه تعب
ولا حضن ضمه فى يوم ..
ومسح عنه التعب
صعبان عليه منك يا دنيا
والقلب منك أتوجع