بقلم/// عصام دويدار ///////خلص الكلام
....................................
خلص خلاص بنا الكلام
وخلاص نويت أعرفك
قلبي إللي كان مليان غرام
دلوقتي قادر يكرهك
.......................................
مبقاش فاضلك حاجه عَندي
عايزه تمشي مع السلامه
جربي المرادي عِنْدي
دا أنا شفت منك عِنْد يا ما
كنت مستحمل وراضي
وحاولت ياما احذرك
إني إتخلقت بقلب فاضي
وهيجي يوم ويطردك
..................................
خلص الكلام وبعرفك
إنسي إن كان في بنا حب
ولو حد بعدي يسألك
ألفي كام قصه كدب
قولي عني قلبي قاسي
قولي كان بياع كلام
قولي عمري ما كنت راسي
قولي وبرري والسلام
هو انتي يعني هتغلبي
دا إنتي استاذة كلام
قصاد عينيا بتكدبي
بعدي قولي مفيش حساب
.................................
خلص خلاص بنا الكلام
وخلاص نويت أعرفك
قلبي إللي كان مليان غرام
دلوقتي قادر يكرهك
................................
عصام دويدار
ليست هناك تعليقات