تعالى مصر بقلم / محمد عطا
تعالى مصر
**********
ياللى تحــب تزور بلـدنا
ياللى تحب تلف مصــر
انت ف عنينــا وفـــؤادنا
مصر أمن فى كل عصر
شعبها عاش ع المحبة
شعبها إتربى ف سلام
شعب مصر ياناس أحبة
من صفـــاته لإحــــترام
مصر دى بلد الحضــارة
مصر فيها الأهـــــرامات
هيّ عنــوان الشــطارة
هيّ رمـــز الإنجــــازات
الهرم من عهد خــوفو
والنيـــل والشــــلالات
لفــوا ياعالم وشــوفوا
ابو الهول رمز الثبات
لما تمشى فى الشوارع
أو تلف فــى الحــــــارات
تلقـى فيها الجـــــــوامع
والكنــــايس بالمئــــــات
لوتروح خـــان الخليلى
فيه هـــدايا وأنتيكـــات
لو تســــافر راح تجيلى
مصر بلد المعجــــزات
و القنــــاه فرعين أهيه
فــرع رايح وفــرع جى
والسفن زادت شــــويه
مصر والله ماليهــا زى
***************
