نفسى فى برلمان = بقلم الشاعر والإعلامى / عونى هشام -- تحياتى جدو عبدو
نفسى فى برلمان
=====
======
عونى هشام
كنا عايشينها
بمشاكل
كنا نحسبها
بمسائل
ولما جينا نبتدى
لقينا الف
والف حائل
البرلمان
جانا فيه نواب كتير
كله يدفع
كله كان عامل امير
والفقير مغلوب لامره
مين هيبقى له نصير
الصوت بكامًً
ومين هيدفع
راح الضمير
ومين هيشفع
مين مسالم
مين معافر
مين فى اول دور
هيخلع
البدايه مش تمام
كله هيعظم سلام
موافقون موافقون
البعض بيدور لنفسه
والبقيه اكيد نيام
القانون عزف الأنون
نفسى اكون عايش
ظنون
مين انا او من اكون
فين حقوقى
مين هيتكلم بصوتى
ولا انا عايش جنون
اصل انا مجنون بحبك
ربى يحفظنى وربك
رب واحد
عمرى يوم ما كنت جاحد
كل ذنبك
ان قلبك ده كبير
انتى بتحبى وفينا البعض
بيكسر فى دربك
نفسى اشوف البرلمان
عالى بيعلى البنان
كله بيضلل عليكى
نفسى اعيش فيكى بامان
يابلدى يا مصر
============
عونى هشام
