(( انا قلبي مات )) للشاعر ~~~~~ هشام احمد جودة

قصيدة بالعامية بعنوان " انا قلبي مات "

بقلمي / هشام احمد جودة

=====================

انا قلبي مات ..

لا عاد يأثر فيه دمعة فراق

ولا عاد يأثر فيه وجع اشتياق

مش قادر تاني يبكي ..

ع اللي ضاع .. أو ع اللي فات ..

انا قلبي مات ..

خلاص مبقاش فيه دموع للندم

مبقاش فيه حتى .. احساس بالألم

مش عايز افتكر اللي عدى

وكرهت البوم الصور

من قساوة الذكريات ..

انا قلبي مات ..

الحزن عشش من زمان ..

عمال بينهش فـ الكيان ..

صحيح ان اللي ظاهر ..

هو القوة والثبات

صورة حلوة مع شوية ديكور ..

بس الحقيقة إن جوايا ..

محفورة القبور ..

عتمة .. و بيملاها السكات ..

انا قلبي مات ..

------------------------------------------