مهما اغيب = بقلم,, عادل علي -- تحياتى جدو عبدو
مهما اغيب
عن عنيك
روحي
مشتاقه اليك
مهما تبعد
عيني بتدور عليك
نفسي اشوفك
انت فين
أنت فين
دول يومين
وللا سنين
قلبي دايب
من الحنين
والثوانى
عدت سنين
نفسي اشوفك
انت فين
عيني
وماليها الدموع
قلبي
مشتاق للرجوع
نفسي
اقيد تاني الشموع
انت عارف
حبي ليك
وإن روحى
هاتموت عليك
وإن أملى أكون معاك
دايبه ف هواك
وابقى جنبك
فى حضن قلبك
ايه ياعمرى
دنا كل عمرى
عايشه ليك
الغياب
ليا عذاب
نفسى ف جواب
منك
اطمن عليك
اللى كان بينا زمان
وهم وسراب
وللا حقيقه
عدى ف دقيقه
روحى البريئة
فى بحرك غريقه
ودى الحقيقه
عايشه ف عذاب
مهما اغيب عن عنيك
روحي
مشتاقه اليك
مهما نبعد
عيني بتدور عليك
كتبت
بدموعي رساله
وبقول تعالي
اشتقت ليك
لسه
عايشه بذكرياتنا
والحياه
ياما غربتنا وفرقتنا
ولا مره ابدا فرحتنا
بأيدينا
يرجع كل اللى فاتنا
بس ..!
بايديا ف ايديك
من غيابك
بقيت في حاله
واستحاله
انسى اللى كان
بينا زمان
او حتى أنسى
شوق عنيك
انت فين
نفسي اشوفك
دول يومين
وللا سنين
بقلم,,
عادل علي
