\\حياه بلا ثمن\\---------------------------بقلم الشاعر أحمد شاهين
\\حياه بلا ثمن\\
إتغربت وسبت بلادى
علشان خاطر لقمة عيش
كنت بكافح كنت بدادى
علشان أرجع واعرف اعيش
واتحملت كتير فى الغربه
حيره ويأس وحياه صعبه
كنت مفكر إنى فى بلدى
ما انا بنى أدم.........
إنسان عربى.....؟
بس إتضح إنى ولا حاجه
قضيت عمرى كله سذاجه
مصرى..............
وعايش برا حدودى
ما انا كان نفسى
أحس وجودى
ألبس أكل أبنى
وأعـــيـــش
وإتغربت وسبت بلادى
علشان خاطر لقمة عيش
بس بجد ما كنتش أعرف
إنى حياتى ما تساويش
داسوا عليا بكل بشاعه
ما انا ما رضيتش
إنى أنزل سعر بضاعه
يبقى جزائى أيه غير
مــــــــــو تـــــى
دول طالبين م الأصل
ســــكـــو تــــى
واسكت ليه والحق معايا
وإزاى تقدر تكتم صوتى
داسوا عليا
وأنا بنى أدم من غير
ديــــــــــه
أه م الأخر أنا ما سوايش
وإتغربت وسبت بلادى
علشان خاطر لقمة عيش
علشان خاطر لقمة عيش.
كلمات \ أحمد شاهين
ليست هناك تعليقات