بقلم كابتن |سعيد عبد العزيزالحاجه ******بيسألونى أنت مين
وثيقه تعارف
بيسألونى أنت مين
أنا بن الفلاحين
بلدى أرض السلام
رمزهاً أبراج الحمام
نبتها قاده عظام
هم أبطال الحب والسلام
هقول كمان
موسى كلم ربنا على أرضها
وعيسى مر وشاهد مجدها
ومحمد وصى بأهلها
وأثنى كمان على جندها
أقول كمان
أنا ال بنيت الهرم
وأهلى أهل الكرم
أنا من دوله وبلد
قبل ما أمريكا تتولد
أقول كمان
أنا ال هزمت المغول
ومش هيخوفنا شويه بغُول
أنا حائط صد متين
وأسألوا 73
أظن عرفتوا أبقى مين
بقلم كابتن |سعيد عبد العزيز الحاجه
