أحلى عيون .. بقلم أحمد شاهين
أحلى عيون .. بقلم أحمد شاهين
كتبت الشعر لكنى
أمام الحُسن مش شاعر
عيونك غاويه تأسرنى
بطاوعها ومش قادر
أروح على فين أنا منها
وانا غرقان فى تكوينها
بسافر فيها جوا بلاد
وما رجعتش ف يوم منها
سبينى هناك وأرجوكى
بلاش مره تصحينى
سبينى أحلم وف عيونك
وممكن يوم تحسينى
تحسى بقلبى وبنبضى
يا أغلى م الحياه عندى
عشقتك....................
بس أعمل أيه ؟
و والله ما كان قصدى
لا انا غاوى أكون تايه
ولا معتوه ولا مجنون
لكنى عشقت من نظره
عشقتك أه يا أحلى عيون
كلمات \ أحمد شاهين
3 \ 11 \ 2015
ليست هناك تعليقات