متسألشي بقلم / عادل علي
متسألشي
*****
ازاي ..!!
وليه حالنا كده
متسألشي
نهايتنا
تبقي بالشكل ده
متسألشي
*****
اعرف
بنفسك عملت ايه
ولما تعرف
متقولشي ليه
اللى جرالنا
كان سببه ايه
ايه وللا ايه
طبعك
كتير كان بيحير
وانا اقول
مسيره هيتغير
ومكانش
ممكن اتصور
دلوقتى
قلبي تلوم عليه
*****
ظلمتني
وكنت بسامحك
أنا ....
اللى عشت
معايا فرحك
وصبرت
علي قسوه جرحك
ونسيت
كمان حتي ملامحك
دلوقتي
قلبي بتلوم عليه
يبقى اللى بينا
ده كان كله ايه
ايه وللا ايه
*********
انا ....
اللى شوفت
عذاب في هواك
وصبرت
بس عشان عايزاك
كان كل أملى
هو رضاك
كان نفسى
أعيش واتهنى معاك
وقلت ....
فجأه انا مش لزماك
انا بعد عمرى
هارضيك بايه
ايه وللا ايه
********
سيبني
تعبت كفايه جراح
بعد اللى شوفته
انا عايزه ارتاح
معدش
ليك في القلب
سماح
وكأني
ذكري وماضي
وراح
دلوقتى
قلبى بتدور عليه
********
قلبى اللى كان
دايب فى هواك
وعاش يقاسى
عذابه معاك
دلوقتى
جاى تسأل عليه
** -------- **
بقلم / عادل علي
ليست هناك تعليقات