(( إحنا السبب )) للشاعر ~~~~~ محمود وحيد
إحنا السبب.....كلمات محمود وحيد
====================
شعاع الضى إيه ذنبه؟
وعتمة أرضنا رافضـــــــــاه
وايه فايدة نهار مجروح؟
ومتغصب يحب حيــــــــــاه
براح القلب ف سكونه
وكون إنو مع مــــــــــــــولاه
وكون الروح تحب الشمس
ما تدارى ف ظلام تــوًاه
جنوح المركبة مش ريح
وموت الحلم مش صدفــــــة
لكن الشط كان مجهول
ومليون إيد على الدفــــــــــــة
وتوب الموت عشان فضفاض
بقى موتنا كما الزفـــــة
يعبى ف التابوت أسراب
ويطوى الضفة ع الضفــــــة
فليه نحتار ؟!!وسر الحيرة جوانا
وجوانا كتير أســـــــرار
سواد الليل اساسه نفوس
خطاها للضيا منــــــــــــــدار
وسوء النية متوفر
وليها فى الدروب أنصــــــار
بتقلب كفة المعدول
وتبنى فوق نهارنا جـــــــــدار
همومنا إحنا أسبابها
على بابها كمان حًـــــــراس
بنتمحك فى قولة أه
ونعشق كل إيد تنبــــــاس
ونفرد للأهات مواويل
تدندنها قلوب النــــــاس
فنعشق فيها أوجاعنا
ونملا بالدموع كــــــراس
كلام الصبــــــــــرتصبيرة
لعجز الحيلة جوانا
وطعم المر أصلاً خوف
ملامحه عايشة ويانا
فليه بنلوم خًطا الأيام؟!
وفينا الخطوة رافضانا
بنزرع دربها أشواك
ونتمناها تلقانـــــا
طريق الضى له سكة
وله جوة القلوب علامات
وجنة ربى موصوفة
لأهل الصدق والرحمات
ولاجل الشمس ما تعدى
ووياها تطيب أوقات
تعالوا نحنى طين الأرض
ونزرع قلبها صلوات
ونمحى حروف"أنا" فينا
ونترفع عن التفاهات
شعاع النور
بطول وبعرض
بيملا الأرض
لكن محتاج إيدين تتمد
تحوش م العين غشاوتها
وتعدل تانى دفتها
تشوف الكون بعين الله
تروح وياه
وتندم ع اللى فات وتتوب
تعيش الضى جواها
فى سُنة وفرض
