كلمات \ أحمد شاهين*******صرخة ضمير

صرخة ضمير
أوقات بحس إنى هوا
طاير فى نفسى
وكتير بحس إنى خيال
ممكن أكون زى الشبح
فى الدنيا بمشى
وإنك تشوفنى دا مُحال
نسمه وطايره بين
قلوب العاشقين
توصل ودادهم
أو أهه مكتومه
فى قلب المجروحين
تفصل بعادهم
ممكن تصنفنى أمل
أو شعر لكن فى
الغزل
ممكن تقول عنى كلام
من كُتره هتحس بملل
فيه ناس كتير بيقولوا
عنى إنى مطر
ينزل بشده ع الشجر
وقت الخطر
وكتير بيوصفنى بصرخه
وإشاره واضحه
إعتراض لابد منه
زى الضمير المستتر
لكنى بينكم جوا منكم
أنا شخص عادى
مش ملاك
وقت اللزوم تلاقينى
بينكم
إما هنا أو هناك
حاول تفكر كل ما
تقعد لوحدك
وتقول دا مين ؟
يمكن أنا أو يمكن
إنتم
دى حقيقه على
مر السنين
إن الشعور بالذنب
جوانا ضمير
إوعا تخالف يوم ضميرك
تنهزم
إوعا تكون زى البعير.
كلمات \ أحمد شاهين
19 \ 11 \ 2015