أسوة زمن **********بقلم محمد سالم

*******
ماشى على ضى القمر ومصاحب الليل الحزين
عديت على نفس الطريق اللى عاش حلم السنين
وتحت أوراق الشجر حضر العذاب زارع أنين

بعد اللى غابوا يا زمن عايش دروب المجروحين
ظالم وآسى يا زمن من غير تمن بتبيع قلوب الطيبين
هما اللى راحوا يا زمن ولا الحياة إتعلمت تلبس تياب الغدارين
آسى علينا يا زمن طالق رياح الذل والظلم المبين
كاشف عيوبنا يازمن ساتر عيوب المكارين
هما الضحايا يا زمن وإحنا ف رحايا مطحونين
محمد سالم