(( النخل بردان )) للشاعر ~~~~~~ حسن توفيق

......... النخل بردان .........

11111111111111111

كان الربيع ..

ساكن هنا من سنين

التوتة عسل .. 

والقلب كله خَضار

ناكل سمك طازة .. 

ونحلّى بالتوت

وصوت اليمام إللى كله وقار

الموجة هادية ..

والصحبة دى نادية

تشم ريحة التاريخ بين الأحجار

الضحكة .. 

بتضحك جوة قلبها

ألحان أصيلة .. 

معزوفة بضمير

المكان نفس المكان .. 

بس ف الخريف

بيقول عجايب كلها تخاريف

وقع الورق .. علشان يتحرق

الموج جبان .. 

والسمك بقى عيان

القلب بيبكى والشط حالة جنان

جدر مكشوف .. وورد مقطوف

والنخل بردان

-------------------------------

حسن توفيق