(( علشان طيب )) للشاعرة ~~~~~~~ صابرين الخضرى محمد

علشان طيب
**********
علشان طيب عايش مظلوم
فى الدنيا ياصاحبى
دوقت العذاب شيلت الهموم
وجيت كتير على نفسى
علشان بسمتهم تدوم
توهت فى بحر من الغيوم
وكل ذنبى
إنى طيب فى الدنيا ياصاحبى
أعمل الخير
مالاقى غير
سهامهم ترشق فى قلبى
وأصرخ بعلو الصوت
وأنا من جوايا بموت
آه ياقلبى
ضيعت منى
أجمل سنين عمرى
وكل ذنبى
إنى طيب فى الدنيا ياصاحبى
ياريت ابعدعن الناس وظلمها
بدعى ربنا يكفينى شرها
عميت عيونى
من كثرة دموعى
وجراحى نزفت
ومش دارى بروحى
وكل ذنبى
إنى طيب فى الدنيا ياصاحبى
بقلم / صابرين الخضرى محمد