(( أحضنيني )) للشاعر ~~~~~~ تامر النقيب

أُحضنينى
بقلم تامر النقيب
____________
أُحضنينى بكل حُبك
خلي قلبي بيكِ طاير
وإعجني قلبي ف قلبك
وإبدئي الصبح ببشاير
أول الشمس ما تطلع
نزلى بس الستاير
وإبدئى يومك بحضنى
وإفردي يلا الضفاير

عاوز أشرب من شفايفك
أحلى قهوة وأحلى عشق
حتى أنا ف البعد شايفك
بعشقك وبكل صدق
إحضنينى وضمي روحى
نفسي أتوه فيكِ بعمق
خلي قلبي بيكِ طاير
وإبدئي يومك بحضنى
وإفردى يلا الضفاير
خلي أحمر فوق شفايفك
هيجى موجى ورمالى
خلى إيدى حاضنه يدك
ده إنتى أشواقي وأمالي
وإنت أحلى دنيا ليا
نفسى يوم تبقى حلالى
يامو طيف سارح بحدى
أنتِ أغلى كِنز عندى
وإنتِ قدرى وكل حبى
قلبى فى غيابك ده حاير
إبدئى يومك بحضنى
وإفردى يلا الضفاير
ضمى صدرى أوى لصدرك
نزلى علينا الستاير
وأحضنينى بكل حُبك
تامر النقيب
من مؤلفاتى وليس منقولا