(( سيبني وأبعد عني )) للشاعر ~~~~ منير خاطر

ارجوك سيبنى وابعد عنى

غلبت اخلصلك وانته تخونى

واشوف خيانتك قدام عينى

واكتم فى القلب واخبى
عاوز ايه من قلب حزين
حافظ على عشرة سنين
وانته مصاحب ناس تانيين
سيبو يرافق دمع العين
هوا اللى باقيلو ومستنى
ياما قالولى عليك غدار
وحياتك كلها اسرار
ومترميش روحك ف النار
ونا من خيبتى مشيت ورا قلبى
تبقى معايه ودماغك سارح
واسمع بودانى كلام جارح
وتكذب وتعاند وتقاوح
واسكت وادارى غصبنعنى
عشت معاك ع الاخلاص
ومسدقش كلام الناس
كنت براهن ع الاحساس
والآخر احساسى خزلنى
ارجوك سيبنى وابعد عنى
منير خاطر