(( لو كنت شفتك من زمان )) للشاعر ~~~~~~~ منير خاطر
لو كنت شفتك من زمان
كان زمانى شكل تانى
كنت هشعر بالحنان
ويرتفع سقف الامانى
وانسى وياك اللى كان
مين ظلمنى ومين كوانى
كنت هفرح
كنت هضحك
كان هيحلالى زمانى
والحياه هتكون جميله
والساعات تجرى ف ثوانى
مكنش يبقى ناقصنى حاجه
واعيش عشانك
وتعيش عشانى
وانسى الدنيا واللى فيها
ولا ابكى ف يوم عليها
لاشوف حسود ولا انانى
كان هيدفينى حضنك
وتخبينى جوا قلبك
واعرف فين جواك مكانى
وامشى مشوار الحياه
لا يهمنى تعبو وشقاه
ولا كنت اشكى من هوانى
كنت هقدر وأستطيع
ولا كان هييجى يوم واضيع
والشتا يصبح ربيع
ليست هناك تعليقات