(( أرمي حمولك على الله )) للشاعر ~~~~~~~ منير خاطر

إرمى حمولك على الله

واعمل طيب يوم وانساه

متخليش الهم يلازمك

والغم يبان كدا على وشك
بتبات نار تصبح رماد
ربك عالم بالعباد
واوعى تقول ليه وازاى
مين يعرف بكره ايه جاى
قوم بس يا شيخ اعملنا شاى
السعاده لا خبره ولا شطاره
ولا صنعه محتاجه مهاره
دا الحظ يا صاحبى لما يآتى
بيخلى الأعرج عجلاتى
والاعمى يا حبيبى ساعاتى
يمسيكى بالخير يا حماتى
كانت بتقولهالى ليلاتى
كانوا الناس حلوين زمان
وقلوبهم مليانه إيمان
ليقولوا هيكون ولا كان
وسايبينها كدا ع الرحمن
هتشيل الهم على ايه
وتجيب عقلك وتوديه
دا العمر ساعات بنقضيه
واللى الدنيا بتيجى عليه
بتصبح تانى يوم جايه ليه
احكى واحكيلك على حالى
انا مره راح منى مالى
ولقيتنى ف ازمه انا وعيالى
قلت يارب كدا طوالى
سدقنى الخير تانى يوم جالى
اسمع نصيحتى وقوم كدا فرفش
وبلاش السحنه كدا تكرمش
ولو نده الشيطان متردش
بكره الدنيا تروق وتبشبش
منير خاطر