(( حاسديني الناس )) للشاعرة ~~~~~~ زينب سالم

طول ما أنا رايحة و جاية
نظرات الناس كلها ورايا
حتى الستات صبحت رغاية
كل ده عشان كان معايا
مين ده بس قولي لنا
ليه بس مش حاكية لنا
إيه حكايته يكونش جالنا
آه لو تسيبونا فحالنا
واحدة تقوللي يا جماله
والثانية ودها تسعى له
حتى قريبتي واقفة له
و هو و لا حد على باله
أنا لا هأقول و لا أعيد
ما كفاية إنه معايا سعيد
كمان هأدوشه و أزيد
خايفة بس يروح بعيد
حسدوني كل من شافه أكيد
يا رب إحفظنا هأقول وأزيد
يا حاسدينا إبعدوا بعيد
خلونا نفرح ده فرحنا فالعيد