(( السويس عروسة اليوم )) للشاعرة ~~~~~~ منى الجلاد

السويس عروسة اليوم
_________

صحي

معايا السلك وقول
السويس بلدي
عروسة اليوم
لابسه الطرحه
ورسمه الفرحه
والكحله على
عيونها السود
والشعر حراير مفرود
حاضن ناسها
فين ما تكون
من
السلام للسويس
ومن
الزتيه للهويس
على حوض الدرس
وعدينا ناخد صوره
هناك ع المينا
وع الملاحه
الناس مرتاحه
واحمد عبده
ودا مين قده
والأربعين ناس حلوين
ع البساطة كده عايشين
وع الكورنيش لف ومشينا
تحلى الصحبه مع أهلينا
وفي مانشستر هاخد قهوة
وهرتاح في قاعدة سومه
وان تعبت
وخدنا الشوق
ع القنال وهناك هنروق
تلاغي الموج ويلاغيك
يرتاح قلبك
والهم يصغر ويهون
.......
بقلم
منى الجلاد