(( نظرة فراق )) للشاعر ~~~~~~ عادل علي

نظره فراق
بابنه
فى عينيكى
كلمه فراق
باينه في كلامك ..
طب فين اروح
من نارغرامك
بلاش بكا
وقت الوداع
يا حلم كان
وفجأه ضاع
نفس المكان
عاش حبنا
والضحكه
كانت من قلبنا
نفس المكان
بيعيش
معانا لحظه وداع
اجمل كلام
اتاريه خداع
لحظه فراق
بيعيشها قلبي
ياما حس بيها
وكان مخبي
انا !!!
كنت عارفك هتقوليها
جاني من عنيكي
احساسي بيها
أحلامي
ليه بتضيعيها
وبكل قسوه
بتودعيها
اصبح فراقنا
عاده يا قلبي
بيجرحوك
دايما حبايبي
مش ذنبهم
ولا حتي ذنبي
ونصيبنا
بينا واقف حكم
وانا قلبي
ياما كتير انظلم
انا !!!
مش عتابي علي القدر
لكني !!!
زعلان من البشر
كده لما نيجي نودهم
يقسوا علينا ونتغدر
مكنتش فارقه
اسمعها منك
او حتي مني تسمعيها
لكن اللي فارق
هي عيوني
لأغلي حبايب بيودعوني
وصدقيني
أنا مش هالومك
انا بادعي ربي
دايما يصونك
وكفاية
حلم عشته فى عيونك
لكن ياريتك
تكوني فاكره
انك غرامي
مش حد تاني
لو ييجي بكره
بس !!!
النصيب ويا زماني
خلاني ذكري
ليكى فى ثوانى
نظره فراق
باينه فى عينيكى
كلمه فراق
باينه في كلامك
بقلم
عادل علي