\\\مهما قالوا \\\------------------------------- كلمات الشاعر / رضا أبو الغيط

\\\مهما قالوا \\\

مهما قالوا عن هواكى

بااعشقك

قلبى دايما يا حبيبتى 

مصدقك

سحر العيون ما يوم يخون

ولا قلبى عُمره 

ها يخدعك

انا الوحيد

اللى بشوفك م البشر

يا فرع طارح 

ف المطارح ع الشجر

كل العيون متوسمه

تِنول ف حُبك أوسمه

وانا الوحيد

اللى ف هواكى منتصر

شايفك ف ليل الكون سهر

شايفك ف حَبات المطر

شايفك شعاع شمس النهار

وبإختصار..شايفك قمر

شايفك تملى 

شمس طاله م السما

وعينيكى هلا

من بعيد متبسمه

شاورت لقلبى

قلبى حبك بالوما

وف هواكى 

بعيش معاكى انما

لا الشعر قادر يوصفك

ولا ألوناته بترسمك

لكنى دايما با اعرفك

من صوت غناوى خطوتك