(( كتاب مفتوح )) بقلم الشاعر ~~~~~~ ايمن البلاط

انا وانت كتاب مفتوح
صفحه انا وصفحه انت
وقلبى لقلبك يبوح

كل سطر اكتب بحبك
واتمنى افضل جنبك
ولغيرى مش مسموح
زى مانت فى قلبى ساكن
ومعايا فى كل الأماكن
فى قلبى منين مابروح
صورتك ليه دايما فى بالى
علشان انت عندى غالى
ونظرتك تشفى الجروح
مهما تلف ومهما تدور
وتدهور بيك الأمور
دايما تلاقى قلبى مفتوح
انا وانت لايقين على بعض
انا وانت بنكمل بعض
قلب ابيض وش سموح
بسمتك تشفى العليل
نظرتك ليا دليل
وفى حبك انا لحوح
انا وانت كتاب مفتوح
صفحه انا وصفحه انت
وقلبى لقلبك يبوح
بقلم الشاعر
ايمن البلاط