(( بدور عليكي )) للشاعر ~~~~~ رضا ابو الغيط

بدور عليكى
كلمات الشاعر / رضا أبو الغيط
*************************
بدور عليكى وسط البشر
وبسأل عليكى ضى القمر
سهرت الليالى أدور عليكى
ولأجل عينيكى عشقت السهر

قلبى اللى حبك خايف عليكى
خايف ياروحى لغيره يلاقيكى
تملى بيسأل عليكى الليالى
ويوصف يا روحى ليهم عينيكى
وعينى اللى شافت عيونك يا روحى
تملى تصبر قلبى وجروحى
نفسى اقابلك ف دنيا التلاقى
ونفسى بمكانك لقلبى تبوحى
بدور عليكى ف عز النهار
ف وسط الصحارا وقلب العمار
ودمعة عيونى بتشكى جنونى
وقلبى ف بُعدك صابه انكسار
بدور عليكى ف كل الحوارى
لا قادر اخبى ولا ..حتى أدارى
وبحلم ألاقى يوم التلاقى
واقابلك يافجرى.و شمسى ونهارى
بدور عليكى ف كل الاماكن
وأسألتى ليكى ..لماذا ولكن
لماذا غيابك ...لماذا عذابك ...؟
لكن هواكى ف القلب ساكن
امتى التلاقى ها يوصل ما بينا
وامتى اللى منا ...يطمن عيونا
بدور عليكى .....بدور عليكى
يا حِنة ايدينا .....وكحلة عيونا
**************************************