(( 28 أكتـــوبر )) للشاعر ~~~~~~~ حسن توفيق

........ 28 أكتـــوبر ......
00000000000000000
قالولى اليوم ده عيد ميلادك
عاوزين نشوف ضحكتك ..
من تانى
ده يسلم عليا .. بقلبه
وده جاى ومعاه أحلا هدية
إللى جاب حلويات لذيذة
واللى مافات ..
ولا على باله
ده صاحب ..
وقلبه كما الحليب
وده محتاج جراحة ..
من طبيب
ضحكت كم ضحكة ..
والبكا قريب
ودّى ليهم ..
خالى من الشوائب
ودّهم ليا ..
كله مصالح
دنيا مغرورة ..
ما ليها صاحب
شمس غدارة ..
ومطر ممَلّح
كلمة فى عبارة ..
وحرف صريح
قلوب منسية ..
وشريان طريح
ألوان غريبة ..
والنخل جريح
----------------------
حسن توفيق
2015/10/29