هى وهى بالنسباله هى*احمد_رأفت‬

Ahmed Raafatr

.....( هى وهى بالنسباله هى ) ؟؟؟؟؟
ف البدايه كان بيشوفها كل يوم معديه
بس غريبه ؟
كان ساعات يشوف منها نظرة إعجاب
وساعات يشوف منها نظره عاديه ؟
قال لازم منها اقرب واجيب لها هديه
جاب لها قطه صغنطوطه
اخدتها منه وكانت مبسوطه
بعد فتره شافها تانى
بس حس إن هى مش هى
وكأن الهديه دى حاجه منسيه
سألها ساعتها على اسمها قالت"إيناس"
ومره تانيه قالت " ريماس "
قال فى عقله دى يمكن تكون شقيه
قال برده مش حاسيبها ولازم اكون حبيبها
اصل هى عجبانى وشكلها بنت ناس
طلب منها عنوان الايميل
قالها لازم نعمل شات
وبعد اول محادثه :
هى حست انه حد جميل
وهو حس انها غير كل البنات
بعد فتره قابلها صدفه
قالتله هطلب منك طلب
انا عايزه عنوان ايميلك
عايزه اعمل معاك شات ؟؟
سابها ومشى وهو مذهول !!
قال معقول كنت بحلم ف ال فات
فتح موبيله لقى رساله فيها بحبك
وكمان بعتتله follow ع الانستجرام
بس الصدمه كانت شديده يا حرام
لما شاف صورها
اصل هما طلعوا اتنين اخوات
ايوه طلعوا اتنين تؤام
.
‫#‏احمد_رأفت‬