إستنى وقبل وماتمشى *-* بقلم الشاعر /تامر النقيـــــب

إستنى وقبل وماتمشى

                      بقلم تامر النقيـــــب

                   ***************

إستنى وقبل ماتمشى ليه ماشيه وبيعانى

أنا من حقى أفهم ليه جارحه وليه دايما ظلمانى 

طول عمرى وانا بسكت راضى منك حرمانى

أنا حبى عشانك دايما ليه يصرخ جوايا

وبلاقى مقابله الصد وقلبك ليه مش يهوا هوايا

ف حرام العمر اللى أنا ضيعته وماشى ببص ورايا

راح أقولك شكراً على درسك هتعلم من أحزانى 

بس افهم قبل ماتمشى طب ليه ماشيه وبيعانى 

مغروره وعايشه الدور واهو شكلك بقى مهزوم

واهو بكره تحسى بقيمتى لما هتشربى كاس مسموم

وحياتك تبقى مرار وتعيشى هموم ف هموم

تتمنى لو أجيلك ثانيه أخدك تانى فى أحضـــانى 

بس أفهم قبل ماتمشى طب ليه ماشيه وبيعانى

أنا بعت عشانك ناس وفارقت كتير وكتير

وعايشلك بس عشان أتمنى تكونى بخيـر

ياخســـاره قلبك فاضى وحتى مفيش ولاحبه ضمير

وبكل بساطه انا شوفت الذل وعرفت انك كرهانى

وهكون مرتاح لو تمشى خلاص وياريت ياحبيبى تنسانى

تــــامر النقــــــيب من مؤلفاتى وليس ممنقولاً

إلغاء إعجابي