(( جميلة )) للشاعر ~~~~~~~ سامح لطف الله

شفايفك عايزة تتبروز
علي خزنة وبابها إزاز
ومفتاحها هنا ف قلبي
هشيله يا دنيا بالإعزاز
فراولة وتوت وشمبانيا
وفرحة عمر يا أستاذ
وليلي يا حلوة هينور
ودقة قلبي تتمخطر
تتوه الدقة تتحير
وتترنح كما الهزاز
وهفتح ليها باب متحف
وكل الدنيا تتعرف
علي عاقل خلاص خرَّف
وجاب الدنيا تتفرج
علي الإنجاز
كريز الوجد ف الشفة
وبسمةتنادي بالخفة
تنادي بشوق وباللهفة
عسل طايب علي الفرَّاز
جمالك روعة ياجميلة
وورد الحب في خميلة
ونورك يبهر العيلة
وجدك ليكي قال منحاز
شوفوها بعيني واتملوا
وسمُّوا عليها أو صلُّوا
وشوفوا جمالها دا كله
كفاية الخد فيه غماز