تفرق كتير *-* بقلم الشاعر / سامى أبو الغيط

تفرق كتير

************

تفرق كتير

أنك تعيش عمرك وحيد

أو حتى تكون

حابس نفسك ف الوريد

أعمل لنفسك

شعاع من نور

بالغ فى التفكير

أحلم تكون فى السماء طير

روح لأبعد دولة وعين نفسك سفير

أقتل الوحده وغير جلدك

وبين اللئام والشمتانين

عيش ع الوتر

أبعت ألف أمل وأمل

فى نفوس الحيارى المجروحين

تفرق كتير

أنك تخرج من تضاريس المحن

أحرق ب أيدك شرنقة الزمن

أخلق لنفسك مدينة جليد

تدوب فيها حرارة الأكتئاب

ويجرى من جديد

الدم السايل ف الوريد

وتدب حياة جوه تماثيل الجليد

وتكون بينهم أنت الزعيم

أو الزغابه يعملوك بينهم أمير

أو تدخل جحور الديابه

وتكون ف الغابه وزير

وصوت عالى بالنفير من بعيد

يحيا الزعيم يحيا الزعيم

أو حتى يقولو أنت الكبير

صدقنى تفرق كتير

بقلمى / سامى أبو الغيط

********************

أعجبني