(( ولادك بيموتوا يا بلدي )) للشاعر ~~~~~~~ كامل منصور

قوليلي يا أما
انتي ليه قاسيه علينا.
عملوا ايه ولادنا يا أما
عشان يموتوا قصاد عنينا.
رايحين مدارس
حارسين كنايس
ولا حتى في الشوارع
بيضيعوا مننا
ولا حاجه بإيدينا.
آهين وألف آه على شبابنا
بيتقطف زهوره من كلابنا
آهين وآه على الرجاله
اللي بيحموا الحدود بسلاحنا
راحوا هما ورجع السلاح
وحيد مناضل ومعاه عذابنا
وفي القطر لما ركبوا جماعه
رجعوا بيتهم حاملين معاهم
صور استشهادنا.
ولادك بيموتوا يا بلدي
ومين راح يحمي تاني حدودك
ومين راح يملى المدارس برسم خدودك
ومين راح يزور متحف قدام شرودك
ومين يا بلدي يرفعلك العلم
ويمد ايديه بتحية عظيمه لوجودك
ولادك بيموتوا يا بلدي
وهما بيصرخوا . أرجوكم الحقونا
ارجوكم الحقونا
ارجوكم إلحقونا .