وداعا معالى زايد*الشاعر عبد الله الهوارى

الشاعر عبد الله الهوارى

وداعا معالى زايد
*************
حزن مقامه عالى
ووداع لحد غالى
وداع ساخن مرحرح
وبكا فى كل مطرح
وداع بطعم الفراق
لسه م الفرن طالع
طعمه مر وحراق
للروح وللقلب واجع
خبر عاجل وموت
عمل صدمة شديدة
را حلة البت حميدة
وسايبانا فى الزقاق
وحزن ف مصر الجديدة
ف كل حارة وشارع
واسع ومداه بعيد
واخد السكة ف وشه
ومقبل ع الصعيد
صوت السيما اتخرس
ما بقاش يذيع مزيكا
والمشاهد ناقصها مشهد
ممسوح بايد استيكة
ستايرالمسرح نزلت
خلصت خلاص الرواية
المشهدالاخير
خلاه الموت حكاية
الملكة خدت التاج
وسافرت خلاص بعيد
فى طريق ممنوش رجوع
وسقفت الجما هير
و هما بينزفوا دموع
وروحوا بقلب مجروح
بيبكى ف حضن الليالى
مليان حنين وشوق
وبتسكنه معالى
الشاعر عبد الله الهوارى قنا قوص جرا جوس