(( ياللي مني شاغله البال )) للشاعرة ~~~~~~ صفاء عبد ربه

ياللي مني وشاغله البال
تسمحيلي
تسمحيلي أسأل سؤال
وتجاوبيني عليه في الحال
بتحبيني ؟
ولا الحب عندك محال ؟
دا الحب هوا السلام
هوا الأمان
هوا الدفئ والحنان
هوا أجمل الأحلام
جاوبيني دي كلمه منك تحييني
وف مرضي هيا دوايا بتشفيني
بالله عليكي
ردي عليا . طمنيني
دا إنتِ أنيني .. إنتِ يقيني
إنتِ الدم اللي في شراييني
إنتِ النبض اللي بيحييني
إرحميني بكلمه نفسي
أسمعها منك في الحال
لأجل ما تهديني وتريح مني البال
ردي عليا . جاوبيني
دا أنا ياما سهرت ليالي
أناجي فيكي ربي الهادي
انك ترحمي فيا سهادي
وأنام أحلم بيكي ليلاتي
أحلم بكلمة تشفي أهاتي
كلمه طول عمري مستنيها
من صغري حلمت كثير أنا بيها
وراح أفضل مستني
وأحلم معاكي أعيش سعيد متهني
بالله عليكي تجاوبيني
أجيبيني بنبض قلبك
وإحتويني بدفء صدرك
إإوقفي نزف جروحي
أعيدي للجسد روحي
قربي مني لملميني
ضميني بحضنك طمنيني
عوضي حرمان سنيني
داوي الألام والأنين
وإوعي تبعدي عني
إوعي تسيبيني أو تهجريني
وعن رحمك . تفصليني
متقيديش نارك في جسمي
وتقطعي حبل وريدي
لملميني
ياحبيبتي أنا مش عارف
أعمل ايه فيكي
وازاي أقدر اراضيكي
حيرتي قلبي معاكي
والعقل طار في هواكي
وأنا تايه في سحر عينيكي
غرقت والبحر هادر
وأنا عارف إن الهوي غادر
لكن ايه كان بإيدي
علي بعدك أنا مش قادر
ياما حلمت أنساكي
لقيتني بدوب
بدوب أكثر في هواكي
والروح راحت وياكي
دايبه علي طول في هواكي
وأنا هنا بستناكي
بالله عليكي جاوبيني