(( انا الشعب وصوت الشارع )) للشاعر ~~~~~~~~ راسم محمد

برغم انى كلامى يا مصر
بالهيصه تملى سكوت
انا الصوت اللى مش هيموت
انا الشعب وانا الشارع
انا المصرى وبعلو الصوت
بقولها للى مش سامع
لا انا اخوان ولا عسكر
دا انا شعبك معاه ازهر
لا انا احزاب ولا علمان
يا بلدى انا اللى بيك اكتر
دا انا احمد مع مينا
وانا كنيسه قصاد جامع
وجرس واذان بيكبر
يا محروسه من الرحمن
عليك باسمى وباكبر
انا الحلم وامل بكره
وعلى ايدى هيتفسر
لا انا للظلم يوم هاسكت
ولا بكرسى انا طامع
ولا للحق يوم بياع
ولا عمرى هاكون حاجد
دا انا فرعونك المارد
انا اللى طول حياتى يامصر
للعدى والغزاه صامد
ولو حتى فداك اموت
ورايا ابنى فارس مارد
على ارضك كمان مولود
هيعلنها وبعلو الصوت
انا اللى خير اجنادك
وانا اللى شربت من تيلك
وانا اللى بثورة ضد الطلم
ناديت ورفعت اعلامك
ويقولها للى مش سامع
انا الشعب وانا الشارع
انا نسرك على علمك
بجناح مفرود شامخ لامع
جسور وللعدى جارح