(( أتغيرت )) للشاعر ~~~~~~~~ أحمد صبري

ياللي ف حبك كان احساسي
كله حنان وامان وضمير
قلبك ماله ليه بقا قاسي
واتغيرت حبيبي كتير
كنت بتفرح لما تشوفني
كنت بتجري لاء بتطير
ليه على قلبي بتخوفني
قول ريحني من التفكير

عارفك عايز تبعد عني
بتمهدلي عشان متعبش
اهو لو بعدك هيموتني
قول ريحني عليك مصعبش
خلاص حبيبي كبرت
من سجني اتحررت
وهان عليك كسرت
حاجات مابينا كتير
اتغيرت
حبيبي كتير
اتغيرت بقيت مش سهل
وصعب اصدق تاني كلام
بعدي عنك هو الحل
لاهو عيب ولا هو حرام
فوق طاقتي اتحملت
وانت على بعدي قدرت
وعكس ما انا اتصورت
مالقتش فيك الخير
اتغيرت
حبيبي كتير
كل ليل بيجيله صبح
ومهما الذكرى تجمعنا
بعدي عنك هو الصح
لو قربنا راح يوجعنا
شبعت كده وجبرت
وانت عليا اتشترت
بمشاعري استهترت
اشوف وشك بخير
اتغيرت
حبيبي
كتييير