جربت أعيش... بقلم/بسنت إبراهيم

ف لقيت قصادي المشكلات مبتنتهيش
بصرخ و في ناس أنما
الكل يجرح ميدويش
جربت أخوض ف المستحيل
وحاولت أشوف نور وسط ليل
وأتمكنت مني المصاعب والظروف
وقدرت أشوف
أن الظلام مبينتهيش
لكني مش يائس أنا
قررت أعيش...
وإذا كان كسرني اليأس يوم
ف أنا مستحيش أني أقوم
وهلملم الكسر اللي فعلا هزني
هبنيني تاني من جديد لو هدني
مش هرتجع ...
مهما الظلام جيه وشدني
عارف بأن الشمس مستنيه فجر نهار جديد
والشمس شعلة من الأمل
ف أكيد بنورها هكون سعيد
وأكيد نهاية كل أسبوع م العمل
في بعده عيد
ف أكيد هعدي المستحيل
وأكيد هودع كل ليل
وأكيد طريقي ف يوم هيجي وينختم
مهما يبان ليا طويل
وأكيد هلوم نفسي ف يوم
على أني حسيت بالوجع
أو قولت أن ظلامي ده مبينتهيش
وهكون ساعتها بفتكر
أني مجرد إنسان أتوجع
خاف أنه يستسلم لعجزه لينخدع
قرر يعيش
آمن بكل المعجزات
وأتخطى كل المشكلات
وأخد قرار ينسى اللي فات
من كل لحظات الآلم
آمن بنفسه وربنا
ورفض بأنه ينظلم
بعد الظروف دي كلها
وأما يوميها الشمس طلعت قالها
أنا كنت ميت أنما
أحياني نورك ف السما
أيوا أنكسرت كتير أنا
قررت أدوق طعم الهنا
قررت أحيي اللي إنفناا
قررتي تبقيلي الفنار
قررت أبقى المآذنة
وكسرت فكرة الإنتحار
وخطبت أنا...
في نفسي لما أستسلمت
وعالجت خدشات المرار
لما ف جوفي علمت
قررت أبطل كل خوف
قررت أشوف
قررت أبدااا منتهيش
قررت أعيش