وطن ....عايش*الشاعر ابو عمار المصري

الشاعر ابو عمار المصري

وطن ....عايش
*********

إدفنوا شراع العدالة
إدفنوا توب الحيا
إشربو دم الغلابة
من مماتهم للحياة
إسمعوا صوت البنادق
لما بتنادى ..الورود
تندفِــن كل الحقايق
تحت دخَّـــان البارود
مين بيحكُــم ؟
مين يحاكِـــم ؟
مين يقول . ويلك يا ظالم ؟
واللى سامع
واللى ساكت
حتى لو دارى انه فاهم
بين سكوته
حتى موته
تتفِــضِــح كل المعالم
فسَّـر التوراة يا شيخنا
وارسم الإنجيل ..مسيح
دة احنا يوم ميلادنا شِــخنا
والوريد بيبات ذبيح
عَـــلّــى صوت آداننا عـَــلّـى
إدعى ع الظالم ...يولى
خلى كل الناس تصلى
دة الطريق
مولود فسيح
بس يا شيخنا ..أمانة
إوعى تنسى يوم وضوءك
المية تبطِــل ميت تيمم
شرع ربك
مش بشوقك
إدعى للى هناك .ماجاش
قالوا ..مات
قالوا ...عاش
حتة منه لسة باقية
واحنا تور
مربوط فى ساقية
أرضى ما بتطرحشى دود
عمرها ع العهد باقية
حاضنة شوق دم الشهيد
إدفنوا الميت يا عالم
لا الوطن له روح بتطلع
ولا يوم
يرحل بعيد
الوطن ..جوانا عايش
بين دمانا ...والوريد
بقـلـــــــــم ا لــشـــــا عــــــــر
أ بـــــو عـــــمـــــــــا ر ا لــــمــــصــــــــــــــر ى