(( إلى أجمل إمرأة )) للشاعر ~~~~~~ د. صبرى إسماعيل

ياحلوة ياللى بعشقك واهواكى
همسك فى قلبى والأمل جوّاكى
سمرا بجمالك والدلال رسمالك
سبحانه اللىّ أبدعك وحماكى
*******
باشتاق لصوتك والحنان بإيديكى
والقى حياتى ودنيتى بعينيكى
محلا جمالك يا ام عقدين لولى
ونغم يحلّى الدنيا من حواليكى
******
حُبّك فى قلبى وانتِ عايشة فى بالى
ياساكنة دمّى والنسيم الغالى
يا احلى صبيّة فى ربيع دنيايا
أحلامى إنتِ والقمر فى العالى