(( دم تقيل )) للشاعر ~~~~~~~ عزة أحمد الشربيني

قابلته سلمت عليه و ايدى حضنت ايديه
و عينيه اكلته اكل و باست كل حته فيه
يااااه كان واحشنى قوى اصلى بحبه قوى
و من زمان نفسى اشوفه
و اللى منعنى خوفى و خوفه
احنا الاتنين كنا خايفين
من ناس مبتقدّرش الحنين
و اما سمحت الظروف و قابلته
و قعدت معاه و شفته
حبى له زاد اضعاف
مبقاش يهمنى ولا بقيت اخاف
قعدت جنبه و همست له
و اجمل كلام فى الحب قلت له
و النسمه فرحت معانا
و القمر سهر و يانا
و الكل كان فرحان سعيد
و فجأة حسيت بأيد
بتشيل الغطا من فوقى
و تقول اصحى يا بنتى فوقى
مالك كده نومك تقيل
خلاص صحيت يا ام دم تقيل