سألونا ايه الحب؟!*احمد التبينى

الشاعر احمد التبينى

 · Cairo, Egypt

بنمسى ونصبح عليكوا
بثانى قصائد (ثلاثى اضواء الابداع)
(سألونا ايه الحب؟!)
احمد التبينى
رائد قديح
سيد البالوى
***
(1)سألونا ايه الحب؟!
قلت:اسلامنا
الحب زى ماقال
قرانا والسنه
نزرع بذور الخير
الخير هيبقى لنا
يوم اللقا بالله
وندخل الجنه
**
سألونا ايه الحب؟!
قلت امى وابويه
ولما اقول انا اخ
القى اختى واخويه
وان يوم هموم فرقت
فيه شىء يلملمنا
الشىء داهو الحب
طريقنا للجنه
**
سألونا ايه الحب؟!
قلت : محبوبى
لما يعيش ضحكتى
ويمتدح توبى
ويكون كما مرايه
كاشفه لعيوبى
ويدلنى عالنور
ونقسم الضلمه
الحب طول دربنا
هيكون لنا شمعه
من حبنا نزرع
ونمسح الدمعه
ذريه من حبنا
تمد احلامنا
دا الحب
بس الحب
طريقنا للجنه
(2) سألونا ايه الحب؟!
قلت انا في الله
نزرع بذور الامل
ونسمي بسم الله
طاعة ومحبة وعمل
يا صحبتي في الله

الحب يعني وفا
يعني ورود ودفا
يعني ابوي وامي
واختي واخوي وانا
يا صحبتي وناسي
يا شوق للقياكم
يا نبض احساسي
والفكر وياكم
الحب يعني الحبيب
والطرحة والخلخال
جوا ضلوع اتكتب
والقلب ليه ميال
يا اللي سألتونا
وقلتولي ايه الحب؟!
هي الحياة تتعاش
لو مات فينا الحب
او جفت عروقه
لو عشتوا من غيره
ياريت تقابلوني
واحكولي احوالكم
و لو نمت رنولي
****
(3)سألونا أيه الحب
قلت أنا ف اللي
يطيب بهمسه اللقى
ويكون كده خلي
بالنظرة يحييني
وبوده يحويني
وان قلت اني بخاف
بامانه يحميني
والاقيه ف كل الناس
مالي العيون ضيه
هو الدفا واحساس
نفسي أكون زيه
واسبح ما بين حرفين
جمعوا الحياة كلمة
حب الوطن إخلاص
حب الوطن غنوة
حب الوطن دا الحب
سألونا أيه هوه
رد الشهيد م اللحد
ردوني ليه تاني
حب الوطن ف الله
شرعي وإسلامي
وتأخي بين اتنين
كان الحجر واساس
اول عمل لرسول
مبعوث هدى للناس
فازاي تقولوا غريب
وهو روح فينا
حب الاله والدين
ووطان بتحوينا
سألونا أيه الحب
أنا قلت دول خلي
واخر بوحي سلام
لثلاثي في معنى
يحيي قيم للناس
وبحبه يجمعنا