دولا مين؟ ودولا مين؟ *محمد محمد الساعي

محمد محمد الساعي

دولا مين...؟؟؟
دولا مين؟ ودولا مين؟ .... دولا زهور البساتين
دولامين؟ ودولا مين؟ ..... دولا ولادنا المحروقين

دولا الحلم الغالي لبكره
دولا براعم نبت لفكره
بس خساره صبحم ذكرى
وراحو منا ف غمضة عين
ودولا مين ودولا مين؟
****
دولا بناتي ودولا ولادي
دولا الورد الحلو النادي
دولا أمل بكره يا بلادي
اللي بإيدك بقوا غايبين
دولا مين ودولا مين؟
*****
دولا الدم اللي بقى رخيص
يوم عباره ويوم اتوبيس
دمكو عند وزير ورئيس
بس يا ولدي هانشكي لمين؟
****
دولا شبابك .. نبت الدار
بين البيت والموت مشوار
اهمال كان أقوى من النار
ربي ارحمهم يوم الدين
مالناش غيره مجيب ومعين
يبقى خلاص نرفع شكوتنا
وهاينصفنا يوم الدين
ودولا مين؟ ودولا مين؟ .... دولا زهور البساتين