(قال عيد الحُب قال) .... زجـــل.....الشاعر/ أحمد وهبى

.******************************************.

لمَّا ســـــــــــــألت صديقه قالتلى عيد الحُب تجيب دبدوب

قُــــــــــــلت هاجيبهُ أدِّيه لحبيبتى زىِّ ماقالت دا المطلوب

أنا فـــكرت فى دُب حقيقى علىَ الاسكيمو وخدت طريقى

لكن الشفوى غير التطبيقى شُفت الدِببه بقيت مـــــقلوب

قُلت أرِّن عليها صديقتى تيجى تنقذنى مادُمت فى ضيقتى

ليه ماتردى إنتى ماصدقتى حتى الصوت بالاقيه فى غـروب

أنا مُتشكر أوى ياصديقتى لمَّا سمعتِك كان مـــــــن خيبتى

شُفتى الدببه خدتنى كلتنى وبقيت وجبه مع الـــــمشروب

آه لـــــو عمرى هايرجع تانى أوعــــــــــوا تقولوا علىَّ أنانى

هـــــــــانصح كُل الناس وجيرانى عيد الحُب يكون مشطوب

أحدث المواضيع