بعترفلك *-* بقلم الشاعر / عبد الحميد المرسى

بعترفلك ..

ان انت روحى ، وكل جروحى

أنا بعترفلك

بعترف ان انت عمرى

وف سمايا صبحت قمرى

أنا بعترفلك

النوم فى بعادك انت ..

عاندنى وخاصم جفونى

والحبايب من حوليّا ..

بعدوا عنى وهجرونى

يعترف ان الدموع ..

عادت من تانى تجرى ع الخدود

ولاعاد الناى بيعزف ..

ولا بيدندن أى عود

آه بعترف ..

حياتى من غيرك كرهتها

وعشقت الليل والسهر

آه بعترف ..

وازاى وانا قلبى مؤمن

معترفش انه قدر

حبك قدر ..

بس ياريت وانت حبيبى

أحس انك معايا

وان غرامك هو نصيبى

وانك أملى ومنايا

بعترف

بس ياريت تعترف ..

ان حكايتى معاك

هى أجمل حكايه

.........................

عبد الحميد المرسى

إلغاء إعجابي