(( أنكسرت )) للشاعرة ~~~~~~ أميرة عيد شقير

فى عـــز فرحتـــى انكســــرت
ومن اقــرب النــاس انحســــرت
لا عمرى زعلت من حد ولا غيرت
قربت من ناس ويا ريتنى بعـــدت
اتارى الجرح من ناس ليهم صونت
وللاسف اغلى الاصدقاء باعوا وحزنت
$$$
ليه الحب بيضيع من القلوب ؟
ليــــه الغدر مـــــلأ الدروب ؟
ليه يا بشر ؟كرهت لعبة القدر
الظلــــم وجب خلاص وحــضر
فى غابه احنا ؟ وللا وسط البشر ؟
$$$
ليه فى ناس تتمنى تشوف دمعتك ؟
ولو عرفت طريقك تكسرك فى سكتك ؟
ولو نجحت تذمك وتتمنى ليه تقتلك ؟
ولو قلبك طاهر نقى تحب ليه تدمرك ؟
$$$
كنت فرحانه وخلاص دلوقت فى مرار
انتظرت ناس تهنينى وطال الانتظار
اتاريهم كارهين الفرحه ليا وجالى انهيار
اتخدعت فيهم للاسف عايشه فى نار
$$$
ابص حواليا واسأل نفسى ليه ؟
كنت زعلتهم ؟ وللا عملت ليهم ايه ؟
بحب كل الناس والهجر ما اقدر عليه
ابص فى وجوه غيرى اتوه معرفش ليه ؟
$$$
الناس اتغيرت احوالها كتير من زمان
مش لاقيه نظرة حنان ولا حب كمان
كل اللى شيفاه أقنعه ومافيش أمان
ناس بتنهش لحم بعض وتغرس الأسنان
&&&
ويتفننوا فى الأذى لغيرهم والله حرام
احنا بين بشر وللا دنيا مليانه كلام
كلام بيجرح بيوجع منعنى لحظه أنام
لكن خلاص هتعود اصل الدنيا كده يا سلام
$$$
دنيتنا فيها اللى المرغوب ممنوع
ناس تشك و تجرح وتغير الموضوع
وناس الطيبه فيها وقلبهم موجوع
وناس تحبك لشخصك من غير ركوع
$$$
وناس توجعك بكلمه تلاقى قلبك مخلوع
تحاول تداوى تلاقيه خرج بره الضلوع
يا خساره عالطيبه لما تضيع وتنطفى الشموع
فى ميلادى وفرحتى قلبى صبح موجوع