عازونى أسامحك الأول*الشاعر / أحــمد وهبى

أحمد وهبى

( عازونى أسامحك الأول ) الشاعر / أحــمد وهبى
.*************************************.
عــــــاوزنى أسامحك الأول مشاعرك ليـــِه بتتحوِّل

لقيتك والفراق أحباب وباسأل نفسى فى الأسباب
تشوفنى وتمشى زىِّ سحاب واقول يمكن بيتـدلِّل
واجيلك واوصــــل الأعتاب وإيـــــــــدى تترفع للـباب
وأتراجع واقول لو غاب لبُكره هاروح وهـــــــــــاتعلِّل
وبُكره زىِّ بعدُه عــــــذاب وجرح الفُرقه فىَّ انساب
واقول احكى ولو بعتاب واخــــــاف احكى ماتتحمِل
وكُنَّا فى عهدنا أحـــــــــباب بقيِّنا فى الحياة أغراب
فـــلو قلبك لغيرى جـــــــــــاب فخلِّى البُعد يتجمِّل
ولمَّا لقيت رســـول بجواب جزيل الشكر لهُ مــاجاب
فخدتهُ بذوق مع الترحــــــــــــاب ولمَّا تيجى نتــأول
ولازم نبتِدى بحساب ولو صــــــــــــادق أكيد كـداب
ومهما تقول من الأسباب رجـــوعك ليـــِه مـن الأول
عــــــاوزنى أسامحك الأول تـقول كان ليــِه بتتحـوِّل