لو انت مش قد الحياة *كلمات المهندس: خالد محمد

Khaled Mohamed

((لو انت مش قد الحياة)) ... كلمات المهندس: خالد محمد
**********************************************
لو انت مش قد الحياة ..
يبقي أحسنلك تموت ..
اوعا تستسلم لآه ..
اوعا تاخد ع السكوت ..
اوعا تاخد ع الكسل ..
اياك تنام جوة العسل ..
خليك جرئ و دوس و فوت ..
أي شئ ضدك و عكسك ..
اياك تسيبه في يوم يعاكسك ..
مهما كان ليلك غميق ...
بكرة تشرق منه شمسك ..
اعقلها بس انت و توكل ..
بس حاسب م التواكل ..
انت مخلوق لجل تعمل ..
مش عشان تشرب و تاكل ..
راح زمان فانوس و خاتم ..
راح خلاص زمن التكية ..
اشقي و اتعب يا ابن آدم ..
الحكاية مش بس نيّة ..
الحكاية انك تعافر ..
مش تكابر ..
مش تقول يارب ابعت ..
و انت علي المشقة قادر ..
اشقي و اتعب ..
لجل تكسب ..
و اللي عايز محاولة مرة ..
حاول انت الف مرة ..
لازم انت تبني نفسك ..
و تعلّي وسط الخلق اسمك ..
اوعا ترضي تعيش هلفوت ..
لو انت مش قد الحياة ..
يبقي احسنلك تموت ..

‫#‏خالد‬